ანთროპოლოგია - ძველბერძნულად “anthropos” ადამიანია, ხოლო “logos” - მოძღვრება, ესეიგი ანთროპოლოგია არის მოძღვრება ანუ მეცნიერება ადამიანის შესახებ. გარდა იმისა, რომ ანთროპოლოგია მოიცავს ადამიანის განვითარებას როგორც გეოგრაფიული, ისე ისტორიული თვალსაზრისით, მას ახასიათებს, აგრეთვე, ადამიანის შესწავლისადმი ერთიანი, მრავალმხრივი მიდგომა. ანთროპოლოგები შეისწავლიან არა მხოლოდ განსხვავებული ტიპის ადამიანებს, არამედ მათი გამოცდილების სხვადასხვა ასპექტსაც. მაგალითად, ადამიანთა ჯგუფის აღწერისას ანთროპოლოგი ითვალისწინებს იმ ადგილის ისტორიას, სადაც ისინი ცხოვრობენ, ბუნებრივ პირობებს, ოჯახური ცხოვრების ორგანიზაციას, ენის ძირითად თვისებებს, დასახლების ტიპებს, პოლიტიკურ და ეკონომიკურ სისტემებს, რელიგიას, ხელოვნების სტილსა და ტანსაცმელს. წარსულში ცალკეული ანთროპოლოგები ცდილობდნენ სხვადასხვა საკითხის ერთდროულად განხილვას. დღეს კი, ისევე, როგორც მრავალ სხვა დისციპლინაში, იმდენად დიდი ინფორმაცია დაგროვდა, რომ ანთროპოლოგებში გაჩნდა ტენდენცია ერთ ვიწრო თემაზე ან სფეროში იმუშაონ. ასე რომ, ერთმა ანთროპოლოგმა შეიძლება გამოიკვლიოს ზოგიერთი პრეისტორიული წინაპრის ფიზიკური ნიშნები, მეორემ – გარემოს გავლენა მოსახლეობის განვითარებაზე ხანგრძლივი დროის მანძილზე, მესამემ კი _ ადამიანთა გარკვეული ჯგუფის წეს-ჩვეულებები. ამგვარი სპეციალიზაციის მიუხედავად, ანთროპოლოგია მაინც ერთიან ორიენტაციას ინარჩუნებს, რაც იმას ნიშნავს, რომ მრავალი განსხვავებული დარგის საშუალებით ერთობლივად შეისწავლის ადამიანის არსებობის სხვადასხვა ასპექტს წარსულსა და აწმყოში.

ანთროპოლოგიურ კვლევებად განიხილება ბიოლოგიური ანთროპოლოგიის, არქეოლოგიის, ლინგვისტიკის, ეთნოლოგიის, სოციალური და კულტურული ანთ-როპოლოგიის და ფოლკლორისტიკის მიმართულებით წარმოებული კვლევები. დღეს განსაკუთრებული მნიშვნელობა ენიჭება ზემოთ ჩამოთვლილ დარგთა მეთოდების გამოყენებით შეკრებილ მონაცემთა საფუძველზე, თანამედროვე სოციალური, პოლი-ტიკური და ეკონომიკური პრობლემების გადაჭრას. ასეთ მიდგომას გამოყენებით ანთროპოლოგიას უწოდებენ. თუ ადრე ანთროპოლოგები ძირითადად დაკავებული იყვ-ნენ საგანმანათლებლო და სამეცნიერო ცენტრებში. თანამედროვე ეტაპზე მათი დასაქმების არეალი გაიზარდა. პირობითად შეიძლება გამოვყოთ რამდენიმე სფერო, სადაც ისინი არიან დასაქმებულები: სამეცნიერო, საგანმანათლებლო, ადმინისტრაციული სექტორი, არასამთავრობო ორგანიზაციები და ტელეკომპანიები. დასახელებულ სტრუქ-ტურებში ისინი მუშაობენ და არიან წარმატებული ხელმძღვანელები, მეცნიერები, პედა-გოგები, ექსპერტები, კონსულტანტები, ჟურნალისტები, რეჟისორები და სხვა. ამ დარგის მიმართულებათა ჩამონათვალიც კი ხაზს უსვამს ამ დისციპლინის აქტუალობაზე: კულტურული, სოციალური, ეთნიკური, პოლიტიკური, იურიდიული, ეკონომიკური, რე-ლიგიური, ფსიქოლოგიური, ვიზუალური, პედაგოგიური და ა.შ.

ანთროპოლოგია საუნივერსიტეტო სივრცეში:

1. University of Oxford
2. The University of Arkansas
3. Australian National University
4. Boston University
5. Brown University
6. Columbia University
7. California State University at Northridge
8. The University of California at Irvine
9. University of California at Berkley
10. Cornell University
11. Lawrence University
12. The University of Montana
13. Oregon State University
14. Princeton University
15. Radford University
16. The University of South Dakota
17. Stanford University
18. The University of Tulsa
19. The University of Virginia
20. Wake Forest
21. Washington State University
22. University of Oslo
23. Harvard University
24. Yale University